felices fiestas, bona navidá...

Esti anu qu’entra too puede ser distintu…entamaré por falate nesta l.lingua que nun iá la nuesa, pero que foi la que nos fizo pasar mas tiempo xuntos.Nestos días nos que too dicen iá al.legría, ta choviendo nu tou corazón, ya you nun sou a paralo, falé col Nubeiru ya díxome que ties que-ylo pidir tu. You por si yera a facer daqué salí a la cai, caleyé por la plaza, too taba murniu, naide m’acompañó, pero sabía lo que tenía que facer. Güeyé tolos puestos, miré, busqué ya por fin toupé lo que buscaba, ail.li taban los adornos que precisabamos pa que’l nuesu árbol fora’l más guapu. Nesi puestín namás había un vieyu espeyu, tolo que tu necesitas pa qu’estas navidaes seyan las meyores ta dientru de ti, oxalá seyas a topalo.Embaxu l’árbol l.luou podrás recoyer tolo qu’esti añu echaste en falta, you ente estas l.linias mando una plizca’l polvu d’hadas que dalguna vez m’apurriste cuando you lo necesitaba, agora prefiero que lo teas tu, ya que dientru pouco seyamos a disfrutalo xuntos...
...esti añu qu’entra too vei ser meyor.